ಬದುಕೆ ಹೀಗೆ…

ಈ ಬದುಕೆ ಹೀಗೆ…
ಚಲಿಸುವ ಬಸ್ಸಿನಂತೆ.
ಪ್ರಯಾಣ ಆರಂಭ,
ಹಡೆದವರು -ಒಡಹುಟ್ಟಿದವರು
ಕರುಳ ಬಳ್ಳಿಯೊಂದಿಗೆ, ಹುಟ್ಟೆಂಬ ನಿಲ್ದಾಣದಿಂದ,
ಬಲು ಅಂದ ಬಲು ಚೆಂದ
ಬಾಲ್ಯದ ಪಯಣ.

 ಈ ಬದುಕೆ ಹೀಗೆ,
 ಚಲಿಸುವ ಬಸ್ಸಿನಂತೆ.
 ಸಾಗಿದಂತೆ ಪಯಣ
 ಆಟ ಪಾಠ- ಛಲ ಬಲ     
  -ಹುಮ್ಮಸ,
 ಬಗೆ ಬಗೆಯ ಕನಸಿನ 
- ನೋಟ,
 ಬಲು ಸೊಗಸು ತಾರುಣ್ಯದ
- ಪಯಣ.

ಈ ಬದುಕೆ ಹೀಗೆ,
ಚಲಿಸುವ ಬಸ್ಸಿನಂತೆ.
ಏರು -ಇಳಿಯುವ ನಡುವೆ,
ಬಂದು ಹೋಗುತ್ತವೆ
ಎಷ್ಟೊ ಮುಖಗಳು,
ಕೆಲವು ಸಾತ್ವಿಕ ಮನಗಳು
ಹಲವು ಸ್ವಾರ್ಥಕ ಮನಸ್ಸುಗಳು

–ಮುರ್ತುಜಾ ಹುಸೇನ, ಆನೆ ಹೊಸೂರ