ದಾಂಡೇಲಿಯ ಟಿಂಬರ್ ಡಿಪೋದಲ್ಲಿ ಸಿಕ್ಕ ಶವ

ದಾಂಡೇಲಿ : ಇಲ್ಲಿಯ ಟಿಂಬರ್ ಡಿಪೋ ವ್ಯಾಪ್ತಿಯಲ್ಲಿ ಶನಿವಾರ ಮಧ್ಯಾಹ್ನ ಅಪರಿಚಿತ ಮೃತದೇಹವೊಂ ಕೊಳತ ಸ್ಥಿತಿಯಲ್ಲಿ ಪತ್ತೆಯಾಗಿದೆ.

ದಾಂಡೇಲಿಯ ಟಿಂಬರ್ ಡಿಪೋ ಅರಣ್ಯ ಕಚೇರಿಗೆ ಹೋಗುವ ದಾರಿಯಲ್ಲಿರುವ ಟಿಂಬರ್ ಡಿಪೋ ವ್ಯಾಪ್ತಿಯಲ್ಲಿ ಈ ಮೃತ ದೇಹ ಪತ್ತೆಯಾಗಿದೆ. ಕನಿಷ್ಠ 8-10 ದಿನಗಳ ಹಿಂದೆಯೇ ಈ ಸಾವು ಸಂಭವಿಸಬಹುದು ಎಂದು ಅಂದಾಜಿಸಲಾಗಿದ್ದು, ಇದು ಭಿಕ್ಷಕ ಅಥವಾ ಯಾವುದೋ ಅನಾಥ ವ್ಯಕ್ತಿಯ ಶವ ಇರಬಹುದೆಂದು ಅಂದಾಜಿಸಲಾಗಿದೆ.

ಈ ವ್ಯಕ್ತಿ ಅದೇ ಸ್ಥಳದಲ್ಲಿ ಮಲಗಿದ್ದ ಎಂದು ಅಂದಾಜಿಸಲಾಗಿದ್ದು, ಆತನ ಮೃತ ದೇಹ ಚಾದರ್ ಹೊದ್ದುಕೊಂಡ ಸ್ಥಿತಿಯಲ್ಲಿದೆ. ಈ ದೇಹದ ಮೇಲೆ ಮರದ ಒಡಗಿದ ಟೊಂಗೆಯೊಂ ಮುರಿದು ಬಿದ್ದಿದ್ದು, ಇದು ಆತ ಟೊಂಗೆ ಮುರಿದು ಬಿದ್ದ ಕಾರಣಕ್ಕೆ ಸತ್ತಿರುವನೋ ಅಥವಾ ಸತ್ತ ಮೇಲೆ ಟೊಂಗೆ ಬಿದ್ದಿರುವುದೇ ತಿಳಿಯುತ್ತಿಲ್ಲ.

ಈ ಮೃತ ವ್ಯಕ್ತಿ ಕೆಲ ದಿನಗಳಿಂದ ಇಲ್ಲಿ ವಾಸವಿರಬಹುದು ಎಂದು ಹೇಳಲಾಗಿದ್ದು, ಅದಕ್ಕೆ ಅಲ್ಲಿ ಲಭ್ಯವಾಗಿರುವ ಆತನ ಬಟ್ಟೆ ಬರೆ, ಹೊದಿಕೆಗಳು ಸಾಕ್ಷಿ ಎಂಬಂತಿವೆ.

ಸರ್ಕಾರಿ ಆಸ್ಪತ್ರೆಯಲ್ಲಿ ಮರಣೋತ್ತರ ಪರೀಕ್ಷೆ ನಡೆದಿದ್ದು, ದಾಂಡೇಲಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.